Lawngtlai, Lai _ Lawngtlai um Lai unau hi an Lai caholh kongah an lungrethei ngai ti hmuh khawh a si.
Caholh in tlau cang hnu cun a dirkamhnak le tanhnak aw chuah hmanh zingzak phun le capo ah a tla cang.
An Facebook group “Lawngtlai Future Group” ah lam kam cataar an langhter. Mah cataar cu ‘WELCOME TO ZORINPUI, MIZORAM’ ti a si.
Reltea Tlangchhan timi pa nih a tialmi a si. Hi cataar hi LADC chung a si ko caah Lai ca in a min thlen siseh tiah a tial.
Like 340 a hmuh i, comment 197 a hmuh. Neek nawn in a lettu zong an um len nain thlen a duhtu an tam deuh.
Lalramthang Tc nih, “Mah hi cu a dik ngaite. Niawhtlang hmanh Notla tiin MADC nih a kan thlenpiak. Thinhung ngai hna hmanhseh Mara ram a si ko caah an duh tiang poh thinhung ko hna seh an ti men.” a ti.
“Kannih Laifa hna zong nih hin kan tiva, tlang le khua tbk min hi Lai caholh in thleng dih kho usihlaw; khua lak i cataar, dawr min, sianginn min pinah a minung hrimhrim nih Lai holh hi uar deuh sihlaw a tha tuk hnga.”
Cheukhat nih capo-biatak in kan min le khua min zong hi Lai holh in thleng dih usih an ti.
Lawngtlai Future Group
