Malaysia ah aa hlawhfa mi Ma Cho Ma Than, kum 33 cu nizaan ah COVID-19 pulrai in a nunak liam.
Selangor state, Klang khuapi um cozah sizung ah a nunnak liam hi si.

A ruak cu tuni June 5 zaanlei 4pm ah an khangh vui cang.

Atu lio cu Malaysia ah COVID-19 pulrai a karh tuk lio si caah cozah nih Phihkhar Dihnak (Full Lockdown) a tuah lio si.
Tuni zong COVID-19 mizaw 7,452 an hmuh hna. Atu lio hi sizung ah thlop liomi COVID-19 mizaw 85,607 an um.
Tuni ah mizaw 6,105 an dam ve. A dammi dihlak 521,676 an si cang. Mah lio cun mizaw 109 an thi ve. A thimi dihlak 3,291 an si cang.
