KUALA KRAI (Bernama) _ Amah hi Maeyoh Beeru, kum 59, Thai nu a si. January 2 in khan a rak tlau cangmi a si.
A ruak an hmuh hi Cawnninga (Jan. 8), 10.05am, Sungai Rek sang ah a si. A ruak cu thingnge ah taang in ti cungah a vuanmi kha khuami nih an hmuh.
Meter pakhat thuk, a tthawngmi tiluan nih a fenhmi a si. Kelantan tilian ai thok caan ah a cangmi a si.
Dawr ah supsap caw dingin a kal, a lawi leiah tiva kha tan a timh i, ruahlopi in a fenhmi a si.
Note: Malaysia hmun dangdang ah thlichia-tilian hi a tam ngai. Tilian ruangah a nunnak a liammi zong an um len. Cucaah, Malaysia um Laimi i ralring deuh ko hna usih.
THE STAR (January 9, 2021)
