𝗖𝗥𝗖 𝘀𝗶𝗮𝗻𝗴𝗶𝗻𝗻 𝗹𝗲 𝗵𝗻𝗴𝗮𝗸𝗰𝗵𝗶𝗮 𝘇𝗼𝗵𝗸𝗵𝗲𝗻𝗵𝗻𝗮𝗸 𝘁𝗵𝗮𝘄𝗻𝗴𝘁𝗵𝗮𝗻𝗵𝗻𝗮𝗸
Malaysia um Chin miphun hawikom dawt hna nan dihlak cung ah Christmas lawmhnak, hnangamnak, daihnak le thluachuahnak tlung ko seh.
Kan ram buainak ruangah le Covid pulrai ruangah lungretheihnak le harsatnak kan tong cio ko hna lai. A hlei in fa hmailei fimcawnak kong ah lungrethei khun asi.
Cucaah zeital ṭhathnemnak a um hnga maw tiah CRC nih Fale Zohkhenhnak Sianginn kan dirh.
Kan fale kum 2 in 12 karlak cu CRC Hngakchia Zohkhenhnak Sianginn ah chiah khawh le kaiter khawh asi cang lai.
- Min pek cohlan ni: January 3 – 4, 2022
- Sianginn kai thok ni: January 10, 2022
- Sianginn hmun: Taman Maluri, Kuala Lumpur
Hi sianginn le hngakchia zokhenhnak ah zaanghleicawi (volunteer) in siseh, thlahlawh pek in siseh rian sok a duhmi nan um ahcun CRC zung ah pehtlaih khawh asi.
Fale sianginn kainak kong ah siseh, Sianginn rian sok duhmi kong ah siseh hlathlai a duhmi nih a tanglei langhtermi CRC riantuantu upa hna sinah hlathlai khawh asi.
1. Saya Andrew (0182872584)
2. Sayama Diana (0182840593)
Siaherhnak he,
CRC Malaysia
Kuala Lumpur
