Tuni May 5 ah Malaysia phan Kawlrammi 159 cu cozah khanpiakmi vanlawng in Myanmar ram an tlung.
Myanmar cozah khanpiakmi vanlawng cu avoi 85nk a tlun si i a tlungmi lakah naupawi, ngakchia, a ngandam lomi le phungninglo khuasami zong an i tel.
NLD nih cozah a tlaih lio tein Covid-19 ruangah ramkip ah aa tapmi le harsatnak tongmi Kawlrammi pawl cu vanlawng in a lak hna, atu ralkap nih uknak a lak hnu zongah an pehzulh rih.
Myanmar Tanzung nih tluang tein an tlun khawhnak hnga a tawlrelpiakmi hna a si.
Cun, Myanmar Tanzung nih, “Malaysia ram ah Social Visa in a ra i visa nithla thih tiang a ummi nan um ahcun Malaysia Lahwahkah Zung ah Myanmar Tanzung tohkhansa, vanlawng ticket he online appointment lak i Check out Memo le Special Pass sok ding a si lai” a ti.
