Malaysia lockdown (MCO) cu March 4 tiang an sauh ṭhan, nain rampumpi asi lo.
Kuala Lumpur, Selangor, Penang le Johor states lawngah March 4 tiang MCO an sauh. Nain, mah state pawl hi Chinmi kan umnak lawngte an si.
State dang; Sabah, Pahang, Negri Sembilan, Terengganu, Kelantan, Perak, Melaka, Kedah, Labuan le Putrajaya cu February 19 in March 4 tiang khapmi dorh deuh CMCO an si cang lai.
Perlis cu khapmi on dih in COVID-19 zulhphung lawng zulh (RMCO) asi lai.
Sinain, tutan MCO cu khapmi tlawmpalte dorh deuh an si lai. Restaurant ah khat le khat i hlat pi in ṭhutden le cabuai tlum zat paoh ṭhut khawh asi cang lai. A sullam cu, cabuai 1 minung 2 leng ṭhut khawh asi cang lai.
Cun, na inn in 10km tiang lawng kal ding timi kha rikhiah um ti lo. Amahbelte, state dang le peng dang kal cu khap peng asi rih ko.
