MALAYSIA — An luhnak hi Mont Kiara i mibu hrawm inn (apartment) ah a si.
Ramchungmi phuannak in Cawnnihnih (Jan.5), 2.05pm, ah khan cu inn cu an va luhhnawh. Brickfields OCPD Asst Comm Anuar Omar nih pa 5 le nu 1 kan tlaih hna a ti.
Kum 26-32 karlak minung an si. An zate in phungning cahnah chuah awk an ngei lo, phungninglo an si.
Mobile phones hleikhat (11), laptop pali (4) le phaisa chuh an si. An zate in Tuluk in a rami an si dih.
Cu inn ahcun December thok khan an rak um cang. Online misual phu (online mifir) cawlcanghnak he ai pehtlaimi an si lai tiah an lunghrinh hna.
Phungning in an konglam ceih a si lai. An konglam a phuangtu ramchungmi sinah lawmh bia nawlngeitu nih an chimchih.
THE STAR (Jan.7)
