Malaysia Prime Minister chungtlik in sizung phan

,

Malaysia ram hruaitu Rampumpi Vuancichoh (Prime Minister) Pu Muhyiddin Yassin, kum 74 cu chungtlik in tu zingka ah sizung a phan, tiah Rampumpi Vuancichoh Zung nih a thanh.

“Rampumpi Vuancichoh cu nizaan in a chungtlik cang. Tu zingka ah Kuala Lumpur um sizung pakhat ah aa thlop i a sining kan zoh lio asi,” ati.

Mah pin cu zeihmanh a chim lo. An thlopnak sizung min zong a chim lo.

Chungtlik cu rungrul pakhat khat ruangah a chuakmi si i ṭihnung tuk asi lo, tiah Malay Mail media nih a chim.