Malaysia TV Cawngia Thlatu Phu (MAAF) nih, “Rianṭuannak nawl kan pe cang, na kan pek lo cun kan thi cang lai,” tiin cozah a hal.
“Kan rianṭuan pawl bawmhnak tangka kan ngei ti lo. Cawngia video kan thlak lo ahcun, rawl ei awk kan ngei ti lo,” tiin Pehlaihnak le Multimedia Vuanci Datuk Saifuddin Abdullah sinah ca an pek.
“Cozah nih tangka kan bawm seh tiin cozah bawmh kan hal lo, nain kan rianṭuan pawl hi rawl ei awk an ngeih ti lo caah video thlaknak nawl (tangka kawlnak nawl) pe hna.
“Video thlaknak nawl kan pe cang, COVID-19 zulhphung SOP felfai tein kan zulh ko lai. Zaangfah tein kan onh ko cang,” an ti.
Cakuat ahcun Malaysia Cawngiatu Phu (MAA) le Cawngia Piaktu Puaisa Phu (4As) zong nih min an thut ve.
COVID-19 pulrai ruangah cozah nih lockdown a tuah i TV cawngia thlak telh in rian tampi ṭuan a khap. Company pawl zong nih an thil TV ah an cawngia tuk ve ti lo caah cawngia thlatu pawl le cawngia piaktu pawl an harsa tuk hna.
