Malaysia khualipi Kuala Lampur um Australia Tanzung nih, “Mi hrokhrawl pawl nih Australia ram ah rianṭuannak visa tuahpiaktu kan si tiin minung tampi an hlen hna caah Australia cozah kan lungṭha lo tuk hringhran,” tiah thawng a thanh.
“Malaysia rammi, Myanmar rammi, Bangladesh le India telh in ramdangmi tampi cu Australia ah rianṭuannak visa kan in sokpiak hna lai tiin an hlen hna,” ati.
“Australia kal a duhmi paoh cu Australia visa nan sok tikah, nan soknak kha Australia cozah zung asi tak/lo ṭha tein hlathlainak tuah ta lengmang dingin forhfial kan in duh hna.
“Mi hrokhrawl pawl nih Australia cozah website he aa lo in website an sermi a tampi ti hi philh hlah uh.
“Australia ah kal le tlawn nan duh ahcun, visa kong theih nan duhmi paoh Australia Ramchung Vuanci Zung website www.homeaffairs.gov.au ah rel khawh dih asi. Online in visa sok nan duh zongah mah website chungah a ummi link lawng hmang uh,” ati.
