Kawl Ralkap nih February 1 ah uknak an fir hnu in mipi nih ralkap company Mytel an hman duh ti lo caah an sipuaizi a tla tuk i Mytel company rianṭuan 10,000 hrawng an phuah hna.
February in April tiang thla 3 chungah US dollar $2 million hrawng an sung, tiah Justice for Myanmar nih a thanh.
A cunglei langhtermi thla 3 chung ahhin Mytel company rianṭuannak caah $24.9 million an dih.
Mah pinah uknak an fir hnu thla 2 chungah mipi le company tampi nih Mytel an hman duh ti lo caah Mytel company rianṭuan pawl zong 54,000 leng in 38,000 fai ah an zor.
Mytel company share acheu hrawng hi ralkap company ṭhiam a si vemi Star High nih a ngeih.
Mytel cu Myanmar ralkap le Vietnam ralkap i bawm in tuahmi company asi. 39% hrawng hi Myanmar ralkap ta asi i 49% hrawng hi Vietnam ralkap company Mytel Global Investment ta asi.
Mytel hman lo hi ralkap tangka ngahnak zorter asi tiin ralkap uknak dotu pawl nih mipi an forhfial pengmi hna asi.
