Myanmar ralkap nih Kayah state ah vanlawng in ralzaam riahnak hmun a kah i ngakchia 2 telh in ralzaam 3 an thi.
Nizaan January 17 ah Kayah ralzaam pawl cu Myanmar ralkap nih vanlawng bomb in voi 4 bak a kah hna caah kum 8 le 15 ngakchia telh in ralzaam 3 an thih hi si.
Nizaan 1pm hrawngah Hprosu khua nitlaklei ramtangah a zaammi ralzaam pawl cu an riahnak hmun ah Myanmar ralkap nih vanlawng in a kah hna.
A thimi 3 cu kum 8 ngakchia nute, kum 15 ngakchia nute le kum 50 pa an si.
A thimi 3 hi Moe Su khuami an si. An khua pawngah kahdohnak a fah tuk caah nunnak kawl in ramtang ah a zaammi an si.
Kayah state cu minung ting 3 tling deuh lo (290,000 hrawng) lawng an umnak asi. Ral a fah tuk caah acheu leng (ting 2 hrawng) nih an inn le khua an zaamtak dih cang.
Kayah state khualipi Loikaw zong Myanmar ralkap nih vanlawng in voi tampi a kah caah an an khualipi um acheu hrawng cu ramtang ah an zaam dih cang.
![](https://thechinexpress.com/wp-content/uploads/2022/01/271937399_141682804935713_4829678670094950893_n.jpg)
![](https://thechinexpress.com/wp-content/uploads/2022/01/272075622_141682858269041_8188181001815821184_n.jpg)
![](https://thechinexpress.com/wp-content/uploads/2022/01/272146223_141682841602376_1723121395121354026_n.jpg)
![](https://thechinexpress.com/wp-content/uploads/2022/01/271971524_141682784935715_6880706025460871516_n-2.jpg)