Myanmar rampumpi kahngol lungtlinnak (NCA) sachoh ah minsen a thutmi hriamtlai phu pawl nih, “CRPH nih 2008 Phunghram a hrawhmi kan lungtling,” ti telh in atanglei 5 hi thawng an thanh.
1. Ralkap cozah nih hriamnam ngei lo mipi na kahmi hna, thahmi hna le hnahnawhnak na pekmi hna hi a rannak in ngol.
2. Na tlaihmi vialte hi a rannak in thlah dih hna.
![](https://thechinexpress.com/wp-content/uploads/2021/04/44023340_1799785153481042_450520839327055872_n-1024x683.jpg)
3. Rammi dihlak nih an tuahmi Pau Dothlennak (နွေဦးတော်လှန်ရေး) le CDM hi pehzulh in kan bawmh peng rih lai.
4. Rampumpi Hluttaw Aiawhtu Kawmiṭi (CRPH) nih 2008 Phunghram kan hrawh tiin a thanhmi cu kan lungtling i kan cohlan.
5. CRPH nih a thanhmi Zalonnak Dimawkharesi Phungphai (Federal Democracy Charter) cu a zalongmi dimawkharesi ram dirhnak caah a herhmi si tiin kan pom.
Mah kong he pehtlai in pehtlaih ding minung;
Dr. Lian Hmung Sakhong (Chin National Front – CNF)
Ralbawi Sai Nyin (Restoration Council of Shan State – RCSS)
![](https://thechinexpress.com/wp-content/uploads/2021/04/168774704_4025936834134329_1176749168618206809_n.jpg)