New Zealand ram Nelson khuapi um Chin Glory Evangelical Church (CGEC) nih Kawlram ralkap duhlo langhternak caah tangka ting 50 a kuat hna.
Tangka cu CGEC pastor Rev. Thawng Peng nih Chinland Football Club President Thawng Tha Thang sinah a kuat.
Thawng Tha Thang nih atanglei bangin thawng a thanh.
New Zealand CGEC khrihfabu in Rev. Thawng Peng (Anna Pa) nih Chin CDMers caah ting 50 Kawlram lei na kan kuat caah kan i lawm.
List niang tein rak kuat khawh le cawlcangh khawh ka i zuam lai;
- Yangon – Ting 10
- Kalay – Ting 10
- Hakha – Ting 10
- Thantlang- Ting 10
- Matupi- Ting 10
New Zealand CGEC khrihfabu ummi Khrih ah nulepa, ulenau dihlak Pathian nih thlua in chuah hna seh.
CGEC khrihfabu hi awṭha Van Hlei Sung te khrihfabu, Van Hlei Sung aa pumh tawnnak asi, tiah kan theih.
New Zealand ahcun Chinmi an tlawm tuk bang, CGEC khrihfabu hi member tlawmte, khrihfabu hmete a si nain hi zatzat an hlut khawh cu ram le miphun an daw taktak ti a lang.
