NUG nih Kyonpyaw peng ralzaam tangka ting 131 a bawmh hna

Ayeyarwady ramṭhen, Kyonpyaw peng, Hlae Swe khuate ralzaam pawl cu tangka ting 131 kan bawmh hna, tiah NUG i Hartong Bawmhnak le Vuanci Zung nih tuni June 24 ah a thanh.

June 5 ahkhan uknak firtu ralhrang Myanmar Ralkap nih a kah hna caah Kyonpyaw peng mipi 1,500 hrawng nih an khua an zaamtak.

Cu ralzaam hna caah cun Australia ram um Doctors, Nurses and Friends (DNF) nih an ti khawh tawk tangka an thawh i NUG cozah sinah an kuat. Mah cu NUG cozah nih a bawmhmi hna asi.

Hriamnam thazaang le mipi vengtu ralkap an um lonak Kyonpyaw peng Hlae Swe khuate cu Myanmar ralkap nih hriamnam ngan in an kah hna caah nu le ngakchia telh in khuami 8 leng an thi.