Pencilo le a hawile nih Thantlang caah tangka ting 300 an hlut, tiah kan theih.
Thantlang hartong bawmtu TPAC nih, “Ma Pencilo le a hawile nih Thantlang inn kang ralzaam hna caah tangka ting 300 a kan hlut,” tiah a chim.
“A kan hlutmi tangka dihlak hi a harsa bikmi Thantlang ralzaam hna caah santlai ding tein kan hman lai.
“A hlutu le nan chungkhar dihlak a nungmi Pathian nih let tampi in thluachuah in pe ko hna seh,” ati.
Youtuber Pencilo cu Kawl miphun asi i tutan dothlennak ahhin Thantlang lawng si loin PDF le state/region dang ca zongah tangka a hlu lengmangmi asi.
Nain, tuni ah Thantlang ah a hlutmi hi a tambik a hlut asi.
Pencilo nih tlangcung miphun hna nih kan tuarnak aa rak fian khawh lomi le a kan teihthiam lomi cungah aa ngaihchihnak le ngaihthiam halnak a chimmi video zong atang ah zoh khawh asi.
