Malaysia um Pi Ngun Hlei Iang te chungkhar nih Yangon lamzawhtu hna dinti le ei awk cawkpiaknak caah 100,000 MMK an hlut tiah kan theih.
Chin New Journal ngeitu Salai Zing Bawi nih Rev. Uk Ling Thang le mino pali-nga he tuni ah Hledan le Sule ah dinti kan phawt hna lai tiah a chim.
Atu hi Myanmar ramchung khuapi kip ah ralkap uknak duh lonak an langhter cio hna lio pi a si.
Minthang le mirum tampi nih duhlo nak a langhtertu mipi hna din ti/ei awk cawkpiaknak caah an si khawh tawk cio in tangka an pek cio hna.
Pi Ngun Hlei Iang le a pasal Pu Tial Uk (Joseph nulepa) zong Malaysia ah an um ko nain atu bantuk in bawmhnak an pekmi hi upat an um tuk.
Amah Joseph nu zong nih “US, Australia ummi nan ka zumh i tel nan duh ve ahcun ka agent sinah phaisa pek khawh asi.
“US ummi direct in zelle number ah kuat khawh zong ka si. $20 cunglei sisehlaw cazin ka tuahnak ah hna athiang deuh lai. Malaysia ummi zong ka cohlan fawn,” tiah a ti.
Joseph nulepa hi Malaysia, US, Australia le ramdang in Kawlram tangka kuatnak zong an tuah. Kawlram ah tangka kuat a duhmi paoh nih Pi Ngun Hlei Iang FB ah pehtlaih khawh asi.
Joseph nulepa nih Chin party a simi Chin National League for Democracy (CNLD) rianṭuannak caah Kawlram tangka ting 10 zong an rak hlut bal cang.
