Falam – Hakha lam ah ummi Taal khua ah Kawl Ralkap nih inn 4 an khangh pinah adang inn 3 zong miakpi in an kah hrawh. Taal khua hi inn 40 hrawng an si. Inn 1 hmanh taang loin Kawl Ralkap nih an baoh i inn chung thill an fir dih, tiah khuami sin in kan theih.
Kawl Ralkap pawl cu October 17 in 19 tiang Taal khua ah umhmun an khuar. Khuami cu ralkap an phak hlan ah nunnak kawl in ramtang ah an zaam hna.
Taal khuami pakhat nih, “Inn an khangh hi October 18 ah si. Oct 19 ah khua in an chuak. An chuah hnu ah khua kan kir cu inn chung thil pakhat hmanh a taang lo. An fir dih,” tiah a chim.
“Puan in umkheng tiang an fir dih. Facang zong an fir. Saikal 3 zong an fir. Caw 2 an kah thah ei hna. Khuami vialte cu khuapi le ramtang ah an zaam dih. Khua kan kir cun ei awk zeihmanh kan ngei ti lo,” ati.
“Puan in umkheng tiang an fir dih. Facang zong an fir. Saikal 3 zong an fir. Caw 2 an kah thah ei hna. Khuami vialte cu khuapi le ramtang ah an zaam dih. Khua kan kir cun ei awk zeihmanh kan ngei ti lo,” tiah Taal khuami pakhat nih a chim.
Miakpi in an kahmi inn 3 zong cu minung umnak ṭha lo tiangin an rawk.
Inn 13 a ummi Rialti khua zong inn 1 hmanh taang loin an khangh dih caah khuami umnak an ngei ti lo. Baptist biakinn zong an khangh caah pumhnak biakinn zong an ngei ti lo.
Thlanrawn khuathar zongah inn 13 an khangh. Pastor inn zong an khangh.
Ralhrang pawl ruangah sunghzatlaknak a tongmi kan unau chungkhar 13 (minung 71) caah bomnak pek duhmi nih a tanglei ṭuanvo ngeitu pawl sinah pek le pehtlaih khawh an si.
- Bawi Lian Thang - TERC Hotu
- AYA Bank : 20002065937
- Phone: 09264434367
- Thang Cem Bik- TERC Sungtuan
- CB Bank: 2024600500110663
- KBZ Bank : 19930119900765301
- K-pay: 09423801080
- Phone: 09423891080
Thlanrawn Emergency Response Committee
Ref: Zalen le Calvary Thang
