Rev. Dr. Hai Vung Lian cu sizung ah caan sau ngai chung dam lo in a um hnu ah April 26 2021, zaanlei 2:15pm ah hi vawlei nunnak in a kan liam tak tiah kan theih.
Amah cu Emmanuel Chin Baptist Church, Columbus, Ohio ah Senior Pastor a tuan lio mi a si.
A nupi le fale 7 a tantak hna. Ngaihchiatnak tongmi chungkhar an ngaihchiatnak Pathian nih hnem ko hna seh.
![](https://thechinexpress.com/wp-content/uploads/2021/04/Rev.-Hai-Vung-Lian-le-a-nupi.jpg)
Salai Z T Lian nih “Rev. Dr. Hai Vung Lian hi Biaknak lei lawng siloin hmailei ramkhel ca zongah bochan awk upa lungfim kan ngeihmi asi tiin ka rak ruahmi asi. Vision thatha a ngeimi, cun riantuanti zong a fawi i a nuam tiin ka hmuhmi asi fawn.
“General Tun Myat Naing he biaruahnak ka ngeih lai ah ruahnak ka hal ta mi minung ah a telmi asi ve.
“Nun man ngei tein a nung. Tuni ah sian lo buin a kan liamtak. A dawtmi Pathian sinah a din,” tiin a Facebook cahmai ah a ttial.
Rev. Dr Hai Vung Lian cu Laimi nih catang sang kan ngeihchunmi hna lakah miphun le ram a daw taktakmi ah aa tel vemi asi.