Tu zingka ah Thantlang market le Sayama Nu Tha te inn kar ah uknak firtu SAC ralkap nih khuami pakhat meithal in an kah.
An kahmi pa cu a thih le nun kan hngal kho rih lo.
SAC ralkap nih motorcycle an kham hna. An saikai kuang tiang an check dih. A zaammi cu an kah len hna.
Pakhat pa cu an kah i a rilh caah an kalpi colh. An hliamh ning a dinfah kan hngalh lo bantukin a thih le nun zng kan hngal lo, tiah khuami pakhat nih a chim.
Zahan September 14 zaan in tu zingka tiang Thantlang khua chungah meithal thawng a dai kho lo.
![](https://thechinexpress.com/wp-content/uploads/2021/09/JMBC.jpg)
Zahan zaan 8:30pm in 10:30pm kar ah SAC ralkap nih Thantlang khua khrihfabu ngan pakhat a simi Johnson Memorial Baptist Church (JMBC) biakinn cu fak tukin an kah hrawh (hmanthlak).
Thlalang an kuai, vam an pem i an rawk. Cungcih zong a pem i rawk.
![](https://thechinexpress.com/wp-content/uploads/2021/09/JMBC-5.jpg)
![](https://thechinexpress.com/wp-content/uploads/2021/09/JMBC-1.jpg)
![](https://thechinexpress.com/wp-content/uploads/2021/09/JMBC2.jpg)
![](https://thechinexpress.com/wp-content/uploads/2021/09/JMBC-3.jpg)
![](https://thechinexpress.com/wp-content/uploads/2021/09/JMBC-4.jpg)