Tanglam in Malaysia a ra Kawlrammi 7 cu nizaan tihni ahkhan Thailand in Malaysia an luh bakah Malaysia palik nih an tlaih hna.
“Thailand ramri um khuami nih thawng an kan thanh hnu ah phungninglo in a hung lutmi Myanmar pawl cu kan dum hna,” tiah palik bawi nih a chim.
“Thawngpang kan theih hnu 3:20pm hrawngah a hmun kan va phan. Burbuk phen ah aa thupmi pa 4 le nu 3 kan hmuh hna.
“Kan chek hna tikah Myanmar in a rami lawngte an si. Malaysia luhnak visa zeihmanh an ngei lo.
“Puaisa sinah tangka liam in a rami an si. Thailand he aa rimi Kelantan state ah an hung lut.
“KL lei kal dingin motor in lak an timh hna i motor an hngah lio asi tiin kan zumh.
“Kum 20 in 40 kar an si hna,” ati.
Malaysia Lahwahkah Upadi ningah, phungninglo in Malaysia a lutmi cu a tambik tangka RM10,000 (Kawlram ting 40) dantat pinah kum 5 tiang thongthlak khawh an si, nain mah tiang ngaingai a tongmi hi cu an um theng lo.
Mah hnu ahcun Kawlram ah an khirh hna i kum 3 chung Malaysia luh an phih hna.
January in February kar ahhin tang lam in Malaysia a ra Kawlrammi 200 leng an tlaih cang hna. Cucaah, Malaysia cozah nih ramri ah palik tam deuh in chiah dingin thawngthanh.
Tang lam in Malaysia a ra Kawlrammi 19 an tlaih hna
Tang lam in Malaysia a ra Kawlrammi 20 an tlaih hoi hna
Tang lam in Malaysia ra Kawlrammi 16 an tlaih hoi hna
Tang lam in Malaysia a ra Kawlrammi 18 an tlaih hoi hna
