Subscribe a tuahmi lawng nih rel khawh asi
“COVID-19 in a zawmi kan Chinmi hna nih oxygen an i zat lo caah oxygen sehzung kan sak lai tiah thawngṭha kan thanh hna,” tiah Thawng Tha Thang, Chinland Foundation hruaitu nih tuni ah a chim.
“Oxygen sehzung saknak caah hin tangka ting 1,000 hrawng a dih lai. Ni 1 ah 40 liter dur 78 a rawng khomi sehzung asi lai.
“Oxygen sehzung cu Yangon ah sak dingin Yee Shin company he hnatlaknak kan ngei kho cang.
“Yee Shin company nih thla 2 chungah oxygen sehzung cu a kan sakpiak dih lai.
“Hihi a tlamtlin khawhnak hnga ngeihchiah chawva, ruahnak le thlacamnak in a kan telpitu nan dihlak cungah lawmhnak chim cawk lo kan ngei.
“Mah sehzung hi kan Chinmi hna caah nunnak chanhchuahtu ah Pathian nih thluachuahmi si hram ko seh,” ati.
Thawng Tha Thang: ??????? ?? ?????? ???? ??? ????????????
Kawlram pumpi ah Covid-19 third wave cu out of control tiangin kan tuar cang.
Kannih Chinmi zong India he ramri kan si bantukin fak khun in kan tuar i kan dawtmi Pathian rianṭuantu, miphun hawi nih kan i bochanmi le misunglawi ah kan i ruahmi hna tampi nih an kan liamtak.
Chinland Foundation nih Chinland for Chin Lives program hmangin hi Covid-19 third wave hi a si khawh chungin dohnak a tuahnak hi thla 2 chungah kan lut cang.
Atu ah cun Pathian nih thluachuah a kan pek i Yangon ah Oxygen Plant bunh dingin Yee Shin company he hnatlaknak kan ngei kho cang tiah Thawngṭha ka van thanh. Cu hnatlaknak thawng cun Yee Shin Company nih thla hnih chungah Oxygen rawnnak seh cu a kan bunhpiak lai.
Hi Oxygen Plant bunhnak ding ah sing 1000 Kyats hrawng dih ding a si i, ni khat ah 40 liter dur 78 a rawn khomi seh a si lai.
Hi Project a tlamtlin khawh nakhnga ngeihchiah, chawva, ruahnak le thlacamnak in a kan telpitu nan dihlak cungah lawmhnak chim cawk lo kan ngei.
Hi Plant hi kan Chinmi hna caah nunnak chanhchuahtu Pathian thluachuah si hram ko seh tiah thlacamnak he
