Tuksapur: Ni 1 Chungah COVID-19 Mizaw Thong 16 Leng an Thi

,

Ni 1 chungah minung thong 16 leng thih cu tuksapur taktak asi.

Kum 2019, December thla ah China ram in aa thokmi COVID-19 zawtnak in nihin tiangah minung ting kul leng (2,001,031) an thi cang.

Zawtnak aa chawnmi ting zakua le ting sawmthum le ting nga deng (93,493,871) an si cang. Mah chungah ting zaruk le ting sawmruk le ting nga leng (66,549,256) cu an dam cang.

Mah hi ramkip cozah cio nih ni fatin an ram mizaw kong thawng an thanhmi fonh asi.

Nithumni kha vawleipumpi ah COVID-19 nih minung thong 16 leng (16,024) bak a thah hna. Tantakmi chungkhar le hawikom zeizat remruam dah atu hi lungkuai in mitthli he an i ciah lio si lai.

Nizaan tihni ah COVID-19 mizaw a thimi an tambiknak ram cu US 3,912 asi. A changtu ah UK 1,564 le Brazil 1,274 an si.

Atutiang ah US ram ah mizaw nuai 24 (ting zahnih le ting sawmli) deng an hmuh cang hna. Ting 4 deng an thi cang.

Vawlei Ngandamnak Bu (WHO) le Johns Hopkins University nih ni fatin vawleipumpi COVID-19 mizaw le mithi cazin an tuahmi cu The Chin Express nih kan website ah Laica tein a caan hman tein kan langhter peng. Mah hi hmet law atu lio (real-time or up to date) cazin zoh khawh peng asi – kan cazin hi mizaw le mithi an um chom in thlen pengmi asi caah na zoh tik cun atu kan ṭialmi nakin tampi a tam deuh kho.

US cu acunglei ah kan laghter cang caah kan nolh lo