Tu zingka ah Monywa khuapi ah sandahpiahmi pawl cu ralhrang ralkap nih meithal in an kah thluahmah hna caah minung 5 an thi.
Cun, Bago khua le Thaton zongah sandahpiahtu pawl an kah hna caah minung 1 veve an thi.
Kuan hma a tuarmi 5 leng an um rih. A thimi pawl cu an lu, hngawng, tbk ah an kah hna.
![](https://thechinexpress.com/wp-content/uploads/2021/04/168781036_4250090288359177_5450932249494929798_n.jpg)
Monywa khua ahcun; Yankin, Htandaw, Nandawan, Sathmuh le Myawaddy sang pawl ah ralkap nih an kah hna.
Lam cu uknak firtu ralkap cozah nih ralkap pawl a khamter hna caah hliam tongmi pawl sii ai bawmh a har tuk, tiah zaanghleicawi hliamtong sii thloptu pawl nih an chim.
Sang tampi ah inn chung luhhnawh in an tlaih hna hnu ah atu bantukin meithal in sandahpiahtu mipi an kah hna hi si.
![](https://thechinexpress.com/wp-content/uploads/2021/04/168551980_4250090358359170_7400477436010911827_n.jpg)
March 3 zong ahkhan, Monywa khua ah sandahpiahtu pawl ralkap nih an kah hna i minung 9 an thah hna.