14.1 C
Hakha
Sunday, May 9, 2021
- Advertisement -

Ṭial Tharmi

Tuni ah ralkap nih minung 2 meithal in an kah hna

Tuni Zarhpini ah, Mandalay ramṭhen Myingyan khua ah tlangval pakhat cu ralhrang Myanmar ralkap nih meithal in an kah caah a nunnak caah thinphan dailo asi, tiah hliamtong bawmtu nih an chim.

Kum 20 hrawng a simi tlangval Ko Tun Oo cu facang zuarnak dawr ah rianṭuanmi asi. Pawngkam ah ralkap nih meithal an puah hnu ah “dawr a khar” i mah lio cun a mit cungah an kah.

Naih nawn in an kahmi lo, facang dawr pawng um tinbawsi dawr hmai ah ralkap an um lio si, tiah thil sining a hmutu nih an chim.

Cun, Myingyan khua No.8 sang ah sandahpiahmi pawl cu ralkap nih meithal in an kah hna caah tlangval pakhat kuan hma a tuar.

Hliamtong bawmtu pakhat nih, “Sandahpiahtu pa cu a hma fak lo,” tiah a chim.

Ko Tun Oo cu sandahpiahnak zongah a kal lomi si. A boss nih “dawr khar” ati i a khar lio ah an kah hi si.

Hliamtong bawmtu nih, “A hma fak tuk hringhran. Myingyan sizung an khar. Private sikhan le zaanghleicawi sibawi pawl nih hlainak thilri an ngeih lo caah ralkap sizung ah kan kuat,” tiah a chim.

Myingyan khua ahhin March 3 thokin atutiang ah ralkap nih mipi 25 leng an thah cang hna.

February 1 ah ralkap nih mipi cozah uknak a chuh thokin atutiang ah rampumpi ah minung 730 a thah cang hna.

Shan state, Kyaukme khua zongah Ko Aung Ko Ko Phyo, kum 25 le a hawile 2 cu motorcycle an i cit lio ah ralkap nih an kah hna. Amah cu Zarhteni zaan ah a thi. A hawile 2 cu ralkap nih an kalpi hna i an konglam theih khawh asi ti lo.

Sandahpiah lomi, amah tein um komi zong hitin an thah hna. Ralkap caah cun rammi thah hi lentecelh asi rua.

- Advertisement -

Ṭial Tharmi

CDF-Hakha nih Surkhua Palik Sakhan an lak, hriamnam zong an lak

Chinram Vengtu Ralkap (CDF) Hakha nih May 8 chun 11:30am hrawngah Surkhua palik sakhan an lak i hriamnam zong an lak. Sakhan cu an...

NUG nih ‘Mipi Vengtu Ralkap kan dirh cang’ ati

Caankarlak cozah NUG nih, "Mipi Vengtu Ralkap kan dirh cang," tiah nizaan May 5 ah thawng a thanh. NUG nih, "Ralhrang ralkap cozah nih mipi...

Ralkap: Salawng hmangmi cu thong kan in thlak hna lai

Cutuh salawng pawl a thli tein aa bunh i a hmangmi cu thongthlak nan si lai, tiah ralkap nih mipi a tlerh hna. Cheukhat hmun...
- Advertisement -

US nih Myanmar cozah tangka $1 Billion na tlaihmi hi NUG cozah pe – UN palai Kyaw Moe Tun

Myanmar ram ah ralkap nih uknak a fir hnu in US nih a tlaihmi Myanmar cozah tangka $1 billion cu caan karlak dirhmi NUG...

CDF nih CDM tuah lomi sianginn saya/ma pawl ralrin a pek hna

Chinram Runvennak Ralkap (Chinland Defense Force - CDF) nih CDM a tuah lomi le sianginn kai dingin forhfialtu saya/ma pawl cu fak piin ralrin...

Subscribe to Youtube

The Chin Express cu kan Chin mipi caah free tein ni fatin thawngpang dik thanh aa zuam pengmi kan si. Kan video hmuh na duh ahcun kan Youtube channel ah 'Subscribe' tuah ve.

- Advertisement -
- Advertisement -