Tuni February 10 in restaurant ah ṭhut in ei a ngah cang, tiah Runvennak Vuanci Pu Ismail nih a thanh.
Nain, cabuai 1 ah minung 2 lawng ṭhut a ngah lai.
Dawr dang zong on khawh an si cang, nain COVID-19 zulhphung zulh hrimhrim asi lai.
Dawr rianṭuan vialte hmaihuh (mask) nan i hruk dih lai. Nan dawr kutka ah taklinh tahnak le min le phone number ṭialnak nan chiah lai. A taklinh 37.5 degree celsius cung a simi paoh cu nan luhter hna lai lo.
Thilpuan dawr paoh cu nan customer pawl kha kuthruk nan pek hna lai.
Malaysia Chin nu tambik cu dawr hngah le restaurant rian an ṭuan hna. Tuni in on khawh asi cang cu a ṭha ngai.
Ṭamhnak dawr pawl cu test a ngah lai lo. Tester vialte nan fim dih hna lai. Cawk awk lawng nan chiah lai.
Restaurant kal tikah taklinh tah, min le phone number ṭial peng ding. Khat le khat aa hlat piin um peng ding.
