Malaysia cu pulrai thian lei a panh kho rih lo. Liamcia suimilaam 24 chungah mizaw thar 4,094 kan hmuh hna, tiah Ngandamnak Vuanci Zung nih tu zaanlei ah a thanh.
Zawtnak ngei hmuhmi dihlak 198,208 an si cang. Tam deuh cu an dam cang nain sizung ah zohkhenh liomi mizaw 43,192 an um rih.
Mizaw 303 cu mizaw zual zohkhenhnak (ICU) khaan ah an thlop hna. 118 cu thawpeknak seh an bunh hna.
Mizaw 10 an thi chap i a thimi dihlak 717 an si cang.
Mizaw 3,281 an dam ve. A dammi dihlak 154,299 an si cang.
Zawtnak karh har deuh seh tiin cozah nih January 13 in rampumpi (Sarawak state ti dah lo) lockdown a tuah nain aa hlei lo. Lockdown cu February 4 tiang asi lai.
