Uknak Firtu Ralkap Bawizik nih Thongtla 23,000 Leng a Thlah Hna

Myanmar mipi nih huat bikmi cozah firtu ralkap bawizik Min Aung Hlaing nih tuni ah thongtla 23,369 a ngaihthiam hna i “cozah rianṭuan pawl duhlonak langhter ti hlah uh, rianṭuan i thawh cang uh,” tiin a fial hna.

“Kan ram hi daihnak, ṭhanchonak le sikaan a ngeimi democracy ram siter kan duh caah atu bantukin thongtla ka ngaihthiammi hna hi si,” ati.

A ngaihthiammi hna lakah ramdangmi 55 zong an i tel.

“Ramdang he i dawt kan duh caah ramdangmi thongtla ka ngaihthiam hna hi si,” ati.

Ramdangmi thongtla a ngaihthiammi pawl cu an ram cio ah kuat a timh hna.

Yangon um mipi tampi nih, “thongtla hi zatzat a thlahmi hna hi a ṭhat bia si naisai lo. Duhlonak a langhtermi pawl tlaih a timh hna caah thongin a lawntermi si,” an ti.