Tuni ah UNHCR le ralzaam bu hruaitu pawl meeting an tuah i thawngpang ṭha taktak an kan phorh.
Mi thar min cazin a lak hna
UNHCR card a ngah bal rih lomi (mi thar) pawl cu ni fatin minung tlawm tete in card/catlap kan pek hna, tiah UNHCR nih a chim.
COVID-19 zawtnak a karh tuk caah appointment loin UNHCR zung kal a ngah lo. Cucaah, ni fatin rikhiah in minung tlawm tete in appointment a pek hna. Direct in zung ah kal hrimhrim hlah uh.
UNHCR card/catlap a ngah bal lomi mi thar na si ve ahcun mah hi hmet law UNHCR website ah min cazin pek in appointment sok khawh asi rih ko.
Card chuh cangmi pek ṭhan
Card/catlap chuh cangmi chungin minung 2,000 hrawng nih ‘card kan pe ṭhan’ tiin nawlnak ca/email an kan kuat, tiah UNHCR nih a chim.
Mah chungah tlawmpal cu an case kan on piak ṭhan hna i UNHCR catlap kan pek cang hna, ati.
Case an on piak ṭhan hna i UNHCR catlap an pek ko hna nain, RSD interview phit le ram thumnak kal kong cu pumpak nan case le UNHCR policy ningin biakhiah asi te lai.
Ram thumnak kal kong hi cu Malaysia ah zei tlukin dah harsatnak an ton timi kha zoh loin Myanmar ram na um lio ah zei tluk in dah ralkap nih harnak an in pek timi le UNHCR nih hlathlainak a tuah i bia a khiahmi zoh in bia chah asi te lai.
Europe le Middle East um ralzaam pawl cu ramkip nih an ṭanpi hna caah fawi deuh in ram thumnak an kal kho men, nain Malaysia um ralzaam pawl cu UNHCR lawng nih a bawmh hna caah ram thumnak kal a har deuh kho men.
Ref: ACR
