July 10, 2021

UNHCR Thawngthanh: UN card le catlap a thimi pawl nih mah ca hi print ulaw i ken chih uh

UNHCR Malaysia nih, “COVID-19 pulrai ruangah UNHCR card le catlap nithla a thi cangmi pawl kan in thlen piak kho rih hna lo. Cucaah atanglei ca kan ṭialmi hi print ulaw i ken chih uh,” tiah Malaysia ralzaam bu vialte thawng a thanh hna.

Print ding ca chung ahcun, “COVID-19 pulrai lockdown ruangah UNHCR card le catlap nithla a thimi pawl kan thlenpiak kho rih hna lo, cucaah kan thlen piak khawh hna hlan lo paoh cu a thimi an card asiloah catlap hi kan cohlanmi asi ko…,” tiin UNHCR nih a ṭial.

Mah hmanthlak hi print in na UNHCR card asiloah catlap tan ṭan a thi cangmi he nai ken ṭi lai

Palik asiloah lahwahkah nih an in dirter tikah a thimi na UNHCR card asiloah catlap he mah ca he hin na piah ṭi hna lai.

UNHCR card asiloah catlap tan ṭan a thimi pawl lawng nih print ding asi. Mah ca lawng hi nai ken lai lo, a thimi na UNHCR card asiloah catlap zong nai ken chih lai.

Mah ca hi UNHCR card le catlap a saṭhu asi lo, amah lawngin nai ken ahcun zeihmanh santlai lai lo.

Hmasa thawngpang

Malaysia: KL um Ralkap Sizung carpark cu COVID-19 mizaw thlopnak caah ihkhun 50 kan chiah cang

Hnu thawngpang

Italy nih England tei in UEFA Euro Champion a ngah

Lian https://thechinexpress.com

Lian cu Seihnam Journal ah Editor-in-chief a rak ṭuan. UNHCR zung i RSC department ah kum 4 chung holhlet le calet a ṭuan pah in Faiceu Journal ah 'editor' in a rak bawm pah hna. 2016 ah The Chin Express a dirh i ni fatin Chin thawngpang le vawlei cung thawngpang phunkip a ṭial, atanglei ah rel khawh an si.