US ram, Louisiana state um Chinmi hna nih Chin Miphun Ralkap (CNF/A) caah $54,800 (Kawlram ting 800 deng) an hlut, tiah kan theih.
Louisiana state ahhin Chinmi tlawm parek te lawng an um. Minung 27 te lawng nih an hlut nain pakhat nih $4,000 te pawl an hlut caah hi zatzat a chuah hi si.
Chinmi tambiknak Indiana le Texas te pawl nih Louisiana Chinmi bantukin hlut cio hna seh law ting thong tam taktak a chuak lai.
![](https://thechinexpress.com/wp-content/uploads/2021/03/Louisiana-chinmi-1024x576.jpg)
CNF: USA, LOUISIANA State um mi hna nih (Emercency National Security Fund ) caah $54,800.00 an thawh kan zapi tein kan kut beng hrih ṭhan ko hna usih.
USA, Louisiana State ahhin Chin mi a um mi hi, mi tlawmte an si. Inn khat hman nih baulo tein an thawh dih hna.
Chin mi tambik umnak Indianapolis le Dallas Taxes chinchin ahcun ngaih a um ngai ko.
![](https://thechinexpress.com/wp-content/uploads/2021/03/162454594_3080845215476020_6751576596060425171_n.jpg)
Louisiana State um mi hna, kan miphun le kan ram caah Phaisa thotu, Bawipa nih ṭuan kawl khawhnak in pe chin ko hna seh.
Kan i lawm tuk
![](https://thechinexpress.com/wp-content/uploads/2021/03/29432601_1540010186125208_8508638738056740864_o-1024x683.jpg)
Chin Miphun Ralkap (CNF/A) cu Chinmi kan pale hna nih “ralkap uknak ṭha lo kan duh lo, state vialte mah tein khuakhan lairelnak nawl a ngeimi federal democracy uknak kan duh” tiin ralkap uknak doh le thlen dingin kum 1988 March 20 ah an rak dirhmi asi.
Thaizing hi CNF/A kum 33 a tlin ni, phun dangin chim cun Chin miphun nih ralkap uknak ṭha lo kan dohnak kum 33 a tlin ni, 33nk Chin Dothlen Ni (33rd Chin Revolution Day) asi.
![](https://thechinexpress.com/wp-content/uploads/2021/03/29425846_1540010079458552_7887671232529694720_o-1024x683.jpg)
![](https://thechinexpress.com/wp-content/uploads/2021/03/29433317_1540007222792171_5339479363584786432_o-1024x683.jpg)