US Ramdang Vuanci Zung nih, “February 1 ah Kawl Ralkap nih mipi cozah uknak a chuh ruangah harnak tongmi Myanmar mipi caah $50 million kan bawmh hna,” tiah nizaan ah thawngthanh.
Kawl Ralkap nih uknak firmi duhlonak langhtertu mipi cu ralkap le palik nih an tlaih, velh, thah hna caah Kawlram chungah rawl le sii ai cawk awk um huaha ti lo i thil man vantawng in a kai.
Chin in Kachin in Karen in rampumpi ah minung thongsawm tampi cu Kawl Ralkap nih an kah thah hna caah nunnak kawl in ramtang ah an zaam.
“$50 million kan bawmhmi hna hi Kawl Ralkap cozah sinah kan pe lai lo. Zatlang bu sinah kan pek hna lai i hartongmi le ramchung ralzaam hna rawl, sii, dornak buk, ngandamnak thilri, ti le takpum thianhnak thilri bawmhnak caah an hman lai,” tiah US Ramdang Vuanci Zung biachimtu Ned Price nih a chim.
