Subscribe a tuahmi lawng nih rel khawh asi
Chin National Front (CNF) sakhan lubik Camp Victoria pawngum Thantlang peng, Vanzangtlang khua 3 cu CNF thantar thlai in sianginn an on cang hna. Ram hla caah “A Hme Ram Laitlang” an sak.
Vanzangtlang ahhin khua 6 um. A taangmi khua 3; Sopum, Tlangpi le Farrawn zong on an timh cuahmah hna lio asi ve.
![](https://thechinexpress.com/wp-content/uploads/2021/08/vanzang-1024x768.jpg)
VSC Thawngthanh
Vangzangtlang Siangngakchia Chungkhar hruainak in Vanzangtlang khuaruk (6) chung ah Vanzang, Lungding, le Tlanglo khuathum hna ah Sianginn kan on.
Sianginn kan onnak a ruang cu kan naule kum hnih chung sianginn an kai ti lo caah an vaivuan thai lai kan sian hna lo caah a si.
![](https://thechinexpress.com/wp-content/uploads/2021/08/Tlanglo-2.jpg)
Covid lio ahcun a harsa ngai ko nain Gate tuin mi lutchuak kan kham lai i a chung tu cu kan him ko lai ti ruahchannak he kan on mi a si.
Cachimtu zong kanmah VSC chung in kan i thim. Thlahlawh pek si loin zaanghleicawi in cachimh a si. Thantar ah Chin National Flag kan hman i Ram hla ah “A Hme Ram Laitlang” (KHB. 513) kan hman.
A taangmi khua 3; Sopum, Tlangpi le Farrawn zong tlawmpal ah Sianginn ong kho ding in VSC nih kan i zuam cuahmah.
Tluangte le dam tein kan tuah khawhnak lai ram le tlang dawtu vialte nan thlacamnak kan herh ko. Ngeihchiah chawva zong in bawmh na kan duh ahcun bawmh khawh kan si.
Salai Chan Thawng Cung
President, VSC
Ph. 09401391876
Fb. Salai Thawng
![](https://thechinexpress.com/wp-content/uploads/2021/08/232687357_1719434165111775_1322354901228949903_n-724x1024.jpg)