Chin state cozah lutlai Salai Lian Luai le Hluttaw lutlai Pu Zo Bawi telh in vuanci vialte ralkap nih an hren dih hna.
Tu zingka dei hlan 3:30am hrawngah ralkap nih an inn cio ah an luh hnawh hna i leng chuak loin an inn chung cio ah an congh dih hna.
An chungkhar minung zong inn leng an chuahter duh hna lo.
Hakha khua um Chin state cozah zung le Hluttaw inn zong ralkapp nih an congh i hohmanh an luh/chuah ter hna lo.
Yangon, Mandalay, Rakhine, Kachin, tbk. Myanmar ramchung state le region 14 vuacichoh, hluttaw lutlai le vuanci vialte zong hitin an hren/tlaih dih hna.
An tlaih dih hna cangka in ralkap nih Myanmar ram a uk. “Kum 1 chung kan uk lai” tiin a thanh.
