Vawleicung university ṭha minthang bik a si vemi Yale University a kai liomi David Stanley, kum 19 cu Rual-U phu nih “2020 Rual-U Person of The Year” pek dingin an thim.
![](https://thechinexpress.com/wp-content/uploads/2021/01/133524499_2040124549483933_6666248737701165776_n.jpg)
David Stanley cu Thantlang peng Farrawn khuami Pu Than Tling le Falam peng Lunghawh khuami Pi Lal Zui Lian hna i an fale 2 lakah upa deuh asi. A hniang nu cu Esther Van Ro Sung, high school a kai lio si.
![](https://thechinexpress.com/wp-content/uploads/2021/01/87205067_208789283644313_5688210620457943040_o-683x1024.jpg)
US ram, Louisiana state, Lafayette khua ah an chungkhar in an um nain David Stanley cu Connecticut state, New Haven khua um Yale University ah a kai lio si. Kum 1nak a dihka te si.
Yale University kai kho dingin a fimthiamnak le aa zuamnak nih a tlinh caah full scholarship an pekmi si.
![](https://thechinexpress.com/wp-content/uploads/2021/01/56355262_103724064150836_8614183912928706560_o-1024x1024.jpg)
Fimcawnnak lei ah hlawhtlinnak nganpi a hmuh caah Chin mino vialte nih zohchun awktlak asi tiin Rual-U phu nih “2020 Rual-U Person of The Year” pek dingin an thim hi si.
$1,000 le trophy an pek lai.
Film le Media lei cawn hi a duhpah nain kum 1nk ahcun zei major dah ka cawn thai lai timi biakhiahnak a tuah rih lo, tiah kan theih.
![](https://thechinexpress.com/wp-content/uploads/2021/01/56536097_103715884151654_1412597915972534272_o-1024x683.jpg)
Kan miphun caah santlai taktak ding le bochan dingmi ah Pathian nih thlua kan chuahpiak peng ko seh tiah lawmhpinak he …
Ref: The Chin Voice