Ramdang in Myanmar a hung tlungmi tinbaw company pakhat i rianṭuanmi tinbawta pawl cu Yangon hotel pakhat ah ralkap cozah nih an khumherh (quarantine) hna.
Tuzaan (Zarhpini) ah ralkap nih hotel chungah an luhhnawh hna i tinbawta pawl cu an velh hna hnu ah US$1,500 zong an chuh hna.
Ralkap pawl an rat lio ah umkheng tum thawng an theih caah atu bantukin hotel khaan chung tiang lut in an chuih velh hna i lahkhah tiang an chuh hna hi si.
Ralkap nih an velhnak hna ah tinbawta pakhat a hnakruh kiak. Adang pakhat zong a kharuh kiak.
Mah hnu ah, sabawiṭhu a ṭuanmi tinbawta pakhat zong a lahkhah $1,500 an chuh, tiah Myanmar Seamen Union nih a thanh.
Suimilaam 1 hnu hrawngah, “Quarantine tuahmi tinbawta pawl himnak caah liamcia suimilaam 1 ah thawng kan thanhmi kha kan delete ṭhan, nan theih thiam lai ti kan zumh,” tiah Myanmar Seamen Union nih a thanh ṭhan.