Minta Myint Myat telhin minthang cheukhat cu a luancia ni tlawmpal ahkhan ralkap nih tuahmi Thingyan puai ah an i tel tiin an hmanthlak le video pawl online ah tar a si.
Cu caah, mi tampi nih Myint Myat cu ralkap thawng petu (dalan) a si an ti. An thinhunnak le an mawhchiatnak cu online ah an ttial cio.
Nain, amah Myint Myat nih a zum lo tu hna caah “Ralkap thawng petu ka si hrimhrim lo. Ka zum ko uh. Mipi bantuk in ralkap a duh lomi ka si ve ko,” tiah a Facebook cahmai ah a ttial.
Ralkap nih February 1, 2021 ah uknak a lak hnu in Myint Myat zong ralkap duh lo langhter sandahpiahnak ah lungtho tein aa tel balmi hmuh a si.
