Thawngṭha: 2013 UN Card Chuhmi pawl UNHCR Malaysia nih a Pehtlaih Thluahmah Hna

UNHCR Malaysia nih kum 2013 ah UN card a pek hna nain 2018 le 2019 ah a chuh ṭhanmi hna cu atu hi a pehtlaih thluahmah ṭhan hna, tiah kan theih.

A pehtlaihmi hna pawl hi RSD interview na sung tiin UN card/catlap chuh hnu ah email in zaangfah nawlnak ca a ṭialmi pawl an si.

Cucaah, UN card/catlap chuh na si hnu ah email in zaangfah nawlnak ca na rak ṭial bal ahcun na kuatnak email inbox kha ni fatin zoh lengmang i zuam.

Email in nawlnak ca na rak ṭial bal lo ahcun atu a rannak in ṭial khawh i zuam. Na thiam lo ahcun ralzaam bawmtu bu a simi CRC, ACR, FRO, tbk zung ah bawmh va hal hna.

Cun, atu nan hmanmi phone number zong kha UNHCR sinah pe ṭhan ulaw a ṭha. Phone number cu mah hi hmet law UNHCR website ah pek khawh asi.

UNHCR Malaysia kong rel awk dang;

1. 2013 UN Card chuhmi pawl kan zohpiak ṭhan hna lio asi
2. Thawngṭha: UNHCR Malaysia nih 2013 Catlap pawl tat-ṭan ṭu tikah ‘card’ a pek cang hna
3. UNHCR Malaysia Thawngthanh: Ram Thumnak Kalnak Kong
4. UNHCR Malaysia Thawngthanh: Zung ah rat kong