Malaysia um Chin ralzaam i zohkhenhnak bu CRC ah kan member a simi Laitlang Malsawm khuami Van Biak Thawng (Kum 32) le Tinam khuami Van Lian Cung (Kum 29) hna cu Christmas picnic an kalnak rili kam Port Dickson ah December 18, 2021 ah an nunnak a liam caah kan ngaih a chia hringhran.
Taantaakmi chungkhar, sahlawh rualchan le khuami nan dihlak nan ngaihchiatnak kan hrawmpi hna.
Cun December 18, 2021 cu Malaysia ramchung ruah sur ruangah tilian a chuak.
Kuala Lumpur hrawnghrang le Selangor ramthen cheukhat cu ti nih a phum hna.
Kuala Lumpur (Jalan Ipoh sang) ummi Chinmi kan hawikom hna zong tii nih a phum ve hna caah Cozah nih an umnak an thialter chung hna. Nan lungretheihnak kan in hrawmpi hna.
Chin Refugee Committee (CRC)
Kuala Lumpur, Malaysia
