March 6, 2021

A zaammi Chin palek 8 cu rak tlai hna, tiah Falam Penguk Zuk nih Mizoram Cozah a fial

Chin state, Falam Penguk Zung nih, “Mizoram ah a hung zaammi Myanmar (Chin) palek pawl kha rak tlai hna law kan kua,” tiah Mizoram cozah a fial.

“Myanmar (Chin) palek 8 Mizoram ah an hung zaam. 4 cu Aizawl an phan i atangmi 4 cu Champhai an phan.

“Innpa ram 2 kan i dawtnak a rawhnak hnga lo, India a phanmi Myanmar palek pawl kha rak tlai hna law Myanmar cozah kan sinah ap hna tiah kan in nawl,” tiin Falam Penguk Zung bawi changtu Saw Htun Win nih Champhai le Aizawl cozah ca a kuat hna.

Falam palek rianṭuan 15 leng cu zungkai loin ralkap duhlo langhternak (CDM) ah an i tel ve. A cungbik cover hmanthlak kan tarmi minung 7 zong hi CDM a tuah vemi Falam palek 7 an si.

Hmasa thawngpang

Dr. Sasa le KNU hruaitu pawl meeting an tuah

Hnu thawngpang

Tuksapur: Ralkap party USDP nih khua NLD Chairman le a tupa an thah hna

Lian https://thechinexpress.com

Lian cu Seihnam Journal ah Editor-in-chief a rak ṭuan. UNHCR zung i RSC department ah kum 4 chung holhlet le calet a ṭuan pah in Faiceu Journal ah 'editor' in a rak bawm pah hna. 2016 ah The Chin Express a dirh i ni fatin Chin thawngpang le vawlei cung thawngpang phunkip a ṭial, atanglei ah rel khawh an si.