16.4 C
Hakha
Thursday, April 15, 2021
- Advertisement -

Ṭial Tharmi

Australia Chin khrihfabu 12 nih CDM caah tangka $30,200 (Kawlram ting 300 leng) an hlut

Australia ram, Melbourne khuapi nitlaklei sang um Chin khrihfabu 12 komh Western Melbourne Chin Christian Fellowship (WMCCF) nih semnak Kawlram ralkap duhlo langhternak (CDM) caah $30,200 an hlut.

$30,200 cu nizaan ah WMCCF nih Australia Chin khrihfabu funtomnak Chin Christian Council in Australia (CCCA) sinah a pek cang. Mah pinah a chuak ding um rih. Mah hi cu Kawlram an kua rih lo, an kuat zau lai.

Mah pinah, CCCA Mino nih Gofundme ah CDM caah tlawmhalnak an tuah i $12,000 dengmang an hmuh cang. $50,000 (Kawlram ting 500 leng) an i tinh. Mah hi hmet law na ti khawh tawk hlut ve khawh asi.

$90,000 leng (Kawlram ting thong 1) an kuat cang

CCCA member khrihfabu pawl nih $90,000 leng (Kawlram ting thong 1 hrawng) CDM caah an kuat cang. Mah hi hmet law rel khawh asi.

Australia um Chin khrihfabu hna nih semnak Kawlram luatnak caah tangka tampi an bawmhmi hna kong cu CCCA General Secretary Rev. Dr. Denis Shu Maung nih atanglei bangin thawng a thanh.

CCCA General Secretary Rev. Dr. Denis Shu Maung: CCCA members nih Kawlram lei CDM bawmhnak kan kuat cangmi nihin 10 March 2021 tiangah hin $90,000 fai asi cang.

Rev. Dr. Denis Shu Maung

Nihin ah Western Melbourne Chin Christian Fellowship nih CDM bawmhnak caah kan Treasurer kut chungah an pek cangmi cu $30,200.00 asi. A chuakding zong a um rih tiah kan theih.

An cungah kan i lawm tuk. Hibantuk hin Australia ram um Chin churches dihlak i funtom in rian ttuamtti usihlaw zeitluk in dah Pathian ram kauhnak le miphun tthanchonak ah kan va tthathnem hnga ti hi a ka ruah ter.

Kan chuahnak Kawlram ah Chinmi dihlak nih ral kan ngeih caah Chinmi dihlak lungkhat in a kan dirter.

Mipi ral nih mipi lungrualnak a chuahter i miphun ah pakhat kan sinak a langhter. Chinmi cu Khrih Jesuh a zummi kan si caah zumhnak ah pakhat kan si fawn.

Fekchin in dir usih. Chinmi cu Pathian nih a thimmi kan si kha hngal peng ko usih.

- Advertisement -

Ṭial Tharmi

Myanmar pa nih ‘Malaysia ah ka umter rih ko uh’ tiin cozah a nawl

A visa thih ruangah April 21 hlan ah tlun a haumi Myanmar pa nih, "Zaangfahnak tein ka kirter rih hlah uh, ka umter rih...

Ngakchia a tlaihhrem tu pa cu TNLA nih mi zapi hmai ah a thah

Kum 5 ngakchia nute a tlaihhrem hnu ah that tu pa cu Ta'ang hriamtlai phu TNLA nih thih dan a pek i mipi hmai...

KIA nih Myanmar ralkap 100 deng an thah rih hna

Kachin hriamtlai phu KIA nih an chuhmi hna China ramri um an sakhan cu lak ṭhan dingin Myanmar ralkap an i zuam nain KIA...
- Advertisement -

KIA nih Myanmar ralkap 30 leng an thah hna, 18 an tlaih hna

Kachin state, Momauk peng ah uknak firtu Myanmar le Kachin hriamtlai phu Kachin Luatnak Ralkap (KIA) fak tukin an i kap, i nizaan zaanlei...

A tlaumi Salai Ezekiel aruak in an hmuh

April 7 ah uknak firtu Myanmar ralkap nih Kalay khua, Tahan sang sandahpiahmi an ṭhen hna lio ah a tlaumi Salai Ezekiel cu ni...

Subscribe to Youtube

The Chin Express cu kan Chin mipi caah free tein ni fatin thawngpang dik thanh aa zuam pengmi kan si. Kan video hmuh na duh ahcun kan Youtube channel ah 'Subscribe' tuah ve.

- Advertisement -
- Advertisement -