Kawl Ralkap nih Thantlang ah inn an duah ṭhan hna i atu November 27 zaan hi an kangh cuahmah liopi asi. Meng 30 hrawng a hlatnak Mizoram in Thantlang inn kaangmi cu hmuh khawh asi.
Ralhrang nih nai hrawng Thantlang khua inn an duahmi pawl hi an sakhann 2 a phentu inn pawl an si.
Hi hlan zongah Thantlang ah inn 250 leng an duah hrawh dih cang.
- Avoi 1nak September 9 ah inn=1
- Avoi 2nak September 18 ah inn =19
- Avoi 3nak October 29 ah inn =164
- Avoi 4nak November 6 ah inn = 8
- Avoi 5nak November 9 ah inn = 2
- Avoi 6nak November 10 ah inn =7
- Avoi 7nak November 11 ah inn = 3
- Avoi 8nak November 24 ah inn = 49, tiah inn 250 leng an duah cang.
Tuzaan an duah hrawhmi hi inn zeizat dah asi ti kan hngal kho rih lo.
Thantlang khuami 10,000 hrawng cu an dihlak in pawngkam khuate le Mizoram ah an zaamnak thla 2 asi cang. Atutiang hohmanh an kir ngam lo.
