Malaysia Chin khrihfabu nganbik a simi Chin Christian Fellowship (CCF) ah kum saupi pastor a kan ṭuan piakmi Rev. Hram Cung Hnin @Saya Zaw le a chungkhar cu June 16 ah US ah an kal cang lai.
An kalnak ding kong cu CCF center CCF Pudu nih a tanglei bangin thawng a thanh.
Thawngthanhnak
Rev. Hram Cung Hnin cu Malaysia a phanh in nihin ni tiang Chin Christian Fellowship (CCF) ah caantling in Pastor rian a kan ttuanpiak i a zeilei paoh ah asi khawhtawk chuah in Laimi kan caah rian a kan ttuanpiaktu asi a cungah kan i lawm tuk.
Pathian nih thlua a chuah hna i atu ahcun an chungkhar tein a ramthumnak lei kal kho dingin lam a onpiak hna i 2021 June 16 ah US ram, Arizona state ah an kal lai.
Anih hi Malaysia ah caan saupi kum 20 leng aum ve cang atu lio cu Covid 19 ruangah Lockdown asi i caan karlak ah cancel nak aum nak hnga lo le an lam atluan khawhnak hnga thlacamnak in rak bawm cio hna usih!
