Yangon um US Tanzung nih a rammi pawl cu Myanmar ram ah tlawng lo dingin le Myanmar ram ah a um liomi pawl zong a si khawh ahcun a rannak in chuak dih dingin ralrin a pek hna.
Khualtlawng, rian ruang le a ruang phunphun ruangah Myanmar ram a phanmi US rammi pawl atu bantuk in ralrin a pek hna hi a si.
Myanmar ram kong he pehtlai in US Ramdang Vuanci Zung nih atu bantuk in ralrinnak a pek hi a sang bik level 4 a si.
Tanzung rianttuan lak zongah um lo awk ttha lomi dah ti lo a dang pawl cu an chungkhar pawl he Myanmar ram chuah takin US ah kir khawh a si tiah kan hnu March thla ahkhan a thanh cang.
Yangon khua telhin khua tampi ah pehzulh in bomb a puah caah atu bantuk in US Tanzung nih an rammi pawl Myanmar ram chuah tak dingin ralrin a pek hna hi a si.
Cun, US Tanzung ralrin peknak ah US rammi pawl cu Yangon le Mandalay khuapi pawl ah kal lo ding, leng chuah tikah US rammi sinak a langhtertu passport i ken ding le ralring tein um ding zong aa tel. – BBC Burmese
