CDF-Kanpetlet nih ni 7 chungah uknak firtu Kawl Ralkap 7 an thah hna.
November 28 in December 4 kar ah voi 3 an i kap i 7 an thah hna hi si.
Kanpetlet khua High School sianginn umhmun khuarmi uknak firtu Kawl Ralkap pawl cu CDF-Kanpetlet nih nizaan December 4 zingka 8:30am ah an kah hna.
“Minutes 45 chung kan i kah hnu ah ralhrang 2 kan thah hna,” tiah CDF-Kanpetlet nih a chim.
December 3 zaanlei zongah Kanpetlet High School ah umhmun khuarmi ralhrang pawl cu 1pm in 2pm tiang CDF-Kanpetlet nih an kah hna i 2 an thah hna pinah 1 zong fak ngai in an hliam.
November 28 zongah Kanpetlet khua ah an i kap i a hmun ah ralhrang 3 an thah hna pinah fak piin 6 an hliam hna.
Voi 3 an i kah ahhin “CDF-Kanpetlet lei cu pakhat hmanh hliam tong lo tein tlamtling tein kan kir kho,” tiah CDF-Kanpetlet nih a chim.
