Uknak firtu Myanmar ralkap nih Chin state, Mindat khua inn hmai bakah bomb an hmenh i tuzaanlei 2pm ah inn ngeitu nufa a puah hna.
Hringtu nu cu a hmun ah a nunnak liam colh. A fanu kum 2 ngakchia cu fak tukin hliam a tuar i a nunnak caah thinphang ngai asi.
Pu Naing Shwe le Pi Daw Hung Awi te chungkhar cu lo (tlanglo) an kalnak in thaba ngai in an tlun lio ah an inn hmai ah ralhrang nih bomb an hmenhmi an i lamh i a puah hna hi si.
Pi Daw Hung Awi cu a hmun ah a thi colh. A fanute Naing Leng, kum 2 le thla 2 cu a orhlei ke tlau lakin a puah pinah alu zong fak tukin hliam a tuar caah atu hi lungfim loin a um i a thi te kho men.
