CNF/A ralkap bokhat 2nd Lieutenant Naing Htoo Lwin hi Kawlrawn, Magwe in a rami Kawl miphun asi. Sibawi sianginn a dih deng ah ralhrang nih uknak an lak hnu in CNA ah a lut.
Ṭha tein raltuk thiammnak le ralbawi cawnnak zong a lim. Kan Chin miphun flag i tlaih bakin biakamnak a tuah vemi asi.
Bokhat asi, avoi khatnak ralram a kal ah a kan liamtak.
Falam peng, Rialti pawngkam i kahnak in a tlau i nizan lawng ah a ruak an hmuh.
Aruak cu Rialti khua chung lamkam ah nizaan October 23 zingka ah khuami le CNDF nih ralhrang bomb hmenhmi kawl thianhnak an tuah lio ah an hmuh.
Aruak an hmuhka ahcun CDF-KKG ralkap ruak asi men lai tiin an zumh, nain CNF nih an pehtlaih hna hnu tunai ah Naing Htoo Lwin asi an hngalh hi si.
Rialti khua pawng i kahdohnak ah CNF ralbawi bokhat Naing Htoo Lwin nih hmaisuang in aphu a hruai hna.
Kawl Ralkap he an i kah hnu ah aphu he an i ṭhen i Kawl Ralkap nih an tlaih i chiakha taktak in an hrem hnu ah an thah, tiah zumh asi.
A chungkhar nih an hei zohthla lai ning le a thawngpang an theih in an lung a kuai lai ning…, ruah ah celh asi lo.
Bochanmi mino ṭhaṭha nih an kan liamtak, lung a fak hringhran ko. Hi uknak chiahru hi dihdong zokzok hram seh.
CNF zunglubik Camp Victoria ah US media CNN an kal lio ah ralbawi Naing Htoo Lwin nih bia a chim lio, atang video minutes 1:25 ah zoh khawh asi.
Ref: Ram Tinthei le Cung Ngai
