Chin ramkulh, Matupi peng, Rezua khua chungah ralhrang Kawl Ralkap nih October 23 zaan 9pm hrawngah miakpi an kah caah pastor inn telh in inn 4 an rawk.
Rezua khuami pakhat nih, “Miakpi voi 4 an kah caah inn 1 a kaang. Inn a kangh lio ah hohmanh nih phalh khawh lo dingin a pawngah dongcat loin meithal an puah,” tiah a chim.
“Inn a kaangmi nih cun a pawng um inn 3 a kangh chih hna. A dihlak inn 4 an kaang. Inn 2 cu vutcam ah an i cang dih. Inn 2 cu an rawk,” ati.
October 22 zingka ah CDF-Zotung le ralhrang Kawl Ralkap an i kap, tiah kan theih.
Rezua cu inn 600 hrawng a ummi khuapi asi i Matupi le Hakha kar ah a um.
Ref: Zalen
