Falam pengah Myanmar ralkap 25 an thah chap hna

,

Falam pengah ralhrang Myanmar ralkap 25 kan thah hna, tiah CNDF nih a chim. January 16 ah 17 kan thah hna i January 17 ah 8 kan thah hna, ati — January 14 le 15 zongah 9 an rak thah cang hna.

“Falam – Kalay lam ah ralhrang he kan i kap peng. January 16 ah Falam peng, Parte khua pawng a hung phanmi ralhrang pawl cu CNDF nih kan kah hna.

“Cucaah, Falam khua ah ummi Myanmar ralkap LID 268 nih an bawmh hna i miakpi in voi 4 an kan kah.

“Mah kahdohnak ahhin Myanmar ralkap 17 kan thah hna pinah hliam tongmi zong an um.

“Kanmah CNDF ralkap 1 hliam a tong ve, nain a nunnak caah thinphang asi lo.

“Cun, nizaan January 17 ah Lati khua pawngah ralhrang pawl cu kan ṭhan hna.

Ralhrang 8 kan thah hna pinah tampi kan hliam hna. Kanmah lei cu hliam tongmi kan um lo,” ati.