April 23 zaan zml 7:00pm hrawng ah Hakha khua, vuanci inn pawl umnak hmun (vuanci ingyar) ah a cangmi i kahnak in ralkap 2 an thi.
Zuurit ruangah palek le ralkap kar ah bia alnak a um i meithal kahnak tiang a chuak. Ralkap 2 an thi. Palek pakhat cu a phai ah an kah i zualhma ngai in a um tiah mit hmutu pakhat nih a chim.
“Zaan sml 7:00pm hrawng ah vuanci pawl umnak hmun pawng in meithal puah thawng kan theih. Palek le ralkap an i kahmi a si. A rua lo. Cuka ah a ummi ralkap 2 an thi. Palek pakhat cu a phai ah kuan nih a khen,” tiah min langhter duh lomi Hakha khuami pakhat nih a chim.
Hakha ngandamnak lei rianttuantu pakhat nih, “Palek pa cu hliamhma a fak ngai i a thih lai le a nun lai chim khawh a si lo,” tiah a chim.
Atu hi hliam tongmi palek pa cu Sagaing ramtthen, Kalaymyo ah a ummi ralkap sizung ah an thlop lio a si.
Ralkap nih February 1, 2021 ah uknak a lak hnu in Hakha i vuanci inn pawl umnak ah hmun an khor. – RFA
